బతుకమ్మ & దసరా పండుగలు  , తెలంగాణా ప్రాంతాల్లో  పెద్ద పండుగలు..
తెలంగాణా బిడ్డలందరూ ఈ పండుగకు తప్పకుండా వారివారి సొంత ఊరికి చేరుకుంటారు..
తమ చిన్ననాటి స్నేహితులంతా ఒక్కదగ్గర చేరి, కష్టసుఖాలను  పంచుకుంటారు...
కుటుంబ కలయికతో   ఇంటిల్లపాది  సందడి నెలకొంటుంది..
కొత్త దుస్తువుల కళకళలు.. పిండి వంటల గుమగుమలు..
ఈ పండుగకు ఆడపడుచులు , గ్రామా ప్రజలు అందరు తప్పకుండా
తమ తమ గ్రామాలకు వెళ్లి ..
మీ కుటుంబ సభ్యులతో, తోటి మిత్రులతో సంతోషంగా గడపాలని
కోరుకుంటూ..


బతుకమ్మ పాటలు ( ఐదవ రోజు )


నీలకంఠుని రాణి ఉయ్యాలో
నిన్ను పూజింతు ఉయ్యాలో
సాంబ్రాణి ధూపము ఉయ్యాలో
శాంభవీ నీకిత్తు ఉయ్యాలో

గౌరీ నీ సన్నిధిని ఉయ్యాలో
దీపంబు నీకిత్తు ఉయ్యాలో
చారపలుకుల పప్పు ఉయ్యాలో
నారికేళంబులు ఉయ్యాలో
నాతిరో నీకిదే ఉయ్యాలో

నైవేద్యమిచ్చెద ఉయ్యాలో
శంభుని రాణి ఉయ్యాలో
తాంబూల మిచ్చెద ఉయ్యాలో
దాక్షాయి నీకు ఉయ్యాలో
దక్షిణ గైకొమ్ము ఉయ్యాలో

మానినీ చేకొమ్మ ఉయ్యాలో
మంత్రపుష్పం ఇదే ఉయ్యాలో
దేవి ప్రదక్షిణము ఉయ్యాలో
సావిత్రి దేవీ ఉయ్యాలో
అంగనా మణి నీకు ఉయ్యాలో

మంగళహారతి ఉయ్యాలో
గన్నేరు పువ్వుల ఉయ్యాలో
గౌరి నిను పూజింతు ఉయ్యాలో
గోరంట పువ్వుల ఉయ్యాలో
కోరినిను పూజింతు ఉయ్యాలో
చేమంతి పువ్వుల ఉయ్యాలో
చేరి నిను పూజింతు ఉయ్యాలో

కలువ పూలతో ఉయ్యాలో
యింపుగా పూజింతు ఉయ్యాలో
సంపెంగ పూలతో ఉయ్యాలో
యింపుగా పూజింతు ఉయ్యాలో
బంతిపూలను తెచ్చి ఉయ్యాలో

యింతి నీకర్పింతు ఉయ్యాలో
శంఖు పూలు ఉయ్యాలో
శాంకరీ నీకిత్తు ఉయ్యాలో
తంగేడు పువ్వుల ఉయ్యాలో
తల్లి నిను పూజింతు ఉయ్యాలో

పొన్న పూవుల తోటి ఉయ్యాలో
పార్వతిని పూజింతు ఉయ్యాలో
మందార పూలతో ఉయ్యాలో
మగువ నిను పూజింతు ఉయ్యాలో
మల్లెపూలు తెచ్చి ఉయ్యాలో

మా తల్లి పూజింతు ఉయ్యాలో
కాంత నీ పాదాల ఉయ్యాలో
కడిగి తరియింతును ఉయ్యాలో
అంబిక నీకిదే ఉయ్యాలో
అర్ఘ్యంబులిచ్చెదా ఉయ్యాలో

పంచామృతంచే ఉయ్యాలో
పడతిరోనిత్తు ఉయ్యాలో
జలజాక్షి పన్నీరు ఉయ్యాలో
జలకమాడుము ఉయ్యాలో

జల్తారు చీరను ఉయ్యాలో
శాంభవీ గైకొనుము ఉయ్యాలో
రాగి సొమ్ము దాల్చి ఉయ్యాలో
రంజిల్లు గౌరమ్మ ఉయ్యాలో
అందమైన మెడకు ఉయ్యాలో

అంబ నీ పాదాల ఉయ్యాలో
పునుగు జువ్వాజితో ఉయ్యాలో
పూజింతు నిన్ను ఉయ్యాలో
పసుపు కుంకుమ బెట్టి ఉయ్యాలో

పూజింతు గౌరమ్మ ఉయ్యాలో
పారిజాతంబులు ఉయ్యాలో
పార్వతి నినుకొలుతు ఉయ్యాలో
మారేడు దళముల ఉయ్యాలో
మాత నిను పూజింతు ఉయ్యాలో

మీ
కడవెండి సీతారాంపురం అడ్మిన్